ايه اللى جرالك يا مصر
مبقتيش قوية زى كل عصر
ايه اللى حصل لمالك وشبابك
مالهم مش طايقين بلادك
ولا نيلك ولا طريقك ولا حتى ترابك
ما الدنيا بقت آسية معاهم
والكل عايز يهاجر من قدامك
مهو الصراحة يعملوا ايه فى بلادك
بطاله على الببان واسعار اخر جنان
ملهومش طريق ينورلهم الحياة
ولا ايد مساعدة تدلهم على الامان
الامان اللى اختفى من البلاد وبقى اخر روقان
حيتان طالعة نازلة فى البلد نصب واحتيال
واطفال وبنات بيتسرقوا فى عز الزحام
واطفال متشردة والحكومة ولا على البال
وطفل فى عينه نظره امل تبصله وتقوله يا مصر هيهات
راحت فين حضارتك اللى بقالنا بنتكلم عليها اميال
مبقتش غير قصص نقولها كان يا مكان
مبقتش غير حواديت نحكيها لاطفال الزمان
ويسمعوها ويقولوا خلاص زهقنا من حواديكى
مش عايزين نعيش فيكى ولا فى اراضيكى
وان شاء الله نشد الرحال على اى بلاد
ولا الحواجة لارضك اللى معدش فيها آمال
حتى الامان اهو ضاع فى عز الاحتيال
مش ناقص غير مستعمر واحتلال
بس الدنيا مازلت حلوة بيكم يا شباب مصر
بس مصر موجها مش عارف يرسى على اى بر
هناك 9 تعليقات:
الحضاره كانت ولم تعد,,وكان فعل ماضى
طب ليييييييه؟
لان الحضاره بتقوم على مجهود وكفاح الناس و الناس اتغيرت وما عاد فى حضاره ,اصبحت مجرد اثار
انما مصر هى مصر وارضها أرض طيبه ولا زالت ,لكن الناس هم اللى حالهم اصبح يحزن وعلى رأيك الدنيا حلوه بيكم ياشباب اى الدنيا حلوه بناسها ووحشه برضه بناسها ومصر بريئه من كل إتهام.
المشكله ان الأغلبيه الساحقه من الشباب صارت عقولها محدوده بجد وكل ما يحويه تفكيرهم مجرد تفاهات ودول أدعو الله لهم بالهدايه ويهدينا لما هو افضل ,
الا فيما ندر تلاقى شباب بمقدورهم فعلا يبنوا امه وحضاره بعلمهم وأخلاقهم وكفاحهم وإيمانهم انهم شباب بيؤدى رساله وانهم يتحملوا مسئولية أجيال من بعدهم.
كلامك بيوصف الحال بعمق بس مصر وأرضها الطيبه بريئه من ناسها.واحنا ياموجه اللى علينا ان احنا نخلى الدنيا حلوه بينا وما نفقد الامل مهما لاقينا من صعوبات وعقبات لان الخير اللى بنحاول نعمله دلوقت مش لازم نتوقع ظهور نتائجه دلوقت لا ده على المدى الطويل واتمنى من الله يصلح احوالنا واحوال الناس اللى على ارض مصر.
وما نيل المطالب بالتمنى ولكن تؤخد الدنيا غلابا .
ومستنين باقى كلامك الحلو
طب ايه رايك
نسيبها ونهجرها وهيا فى اشد الحاجة لينا ..!
وللا نقف جنبها ونسعى لاصالحها بايدينا..؟؟!!
هيا تستاهل منا كده وللا احنا اللى عملنا فيها كده
هيا عمالة تجود بالخير واحنا بنقابل ده بكل جحود وناذيها
مش ىن الآوان نحميها بدل مانتخلى عنها ونرميها
ها ايه رايك يا موجه وللا هانسيب موج الحياة مترح ما يحب يرمينا!
sانا كان رأيى عنك انك دماغك جامده وكبيرة
بوست جامد يا موجة
حتي لوني قمحي . لون نيلك يا مصر ^_^
الوضع سيء ؟ - أي نعم
الصح ايه ؟ - نعمل اللي علينا و نكون سبب في النهضة باذن الله بكل ما اوتينا من قوة و سنسال عن سلبيتنا لو موفيناش حقها
جميلة جدا
بس دى اول موجة حزننتنى جدا
بس هى ملهاش ذنب
العيب فينا
نايس بجد يا موجة
بس هقولك
مصر هيا مامتى لونها لون بيجامتى
:D
موجة موجة موجتي
مستنية تنوري في بلوجي بعد التجديد
بقولك أيه
تحفـــــــــــــة
داخل دماغي اوي
=))
مستنياكي
ترقبي الافتتاح :)
يا حبيبتي يا مصر!!!!
كلام رائع
ومحزن
مش ناوية تتحفينا بحاجة قريب؟؟؟
:-W
أنا بطلب بس..
إرسال تعليق